Sunday, August 11, 2013

ෂාරුක්, විජෙයි, පවන් ජනප්‍රියත්වය වෙනුවෙන් තරගයක

පසුගිය 9 වැනිදා ෂාරුක් ඛාන්ගේ අලුත්ම චිත්‍රපටය Chennai Express  තිරගත වීම ඇරඹුවේ Chennai Express  පැමිණෙනතුරු බලා සිටි බොහෝ බොලිවුඩ් ප්‍රේක්ෂකයින්ගේ බලා‍පොරොත්තු ඉටු කරමින්.
ඒත් Chennai Express  සමගම තිරගත වීම් ඇරඹූ කොලිවුඩයේ සුපිරි තරුව විජෙයිගේ අලුත්ම චිත්‍රපටය Thalaivaa  සහ තෙළිඟු චිත්‍රපට සුපිරි තරුව පවන් කල්‍යාන්ගේ Attarintiki Daaredhi චිත්‍රපටය නිසා Chennai Express චිත්‍රපටය හොඳ ආදායමක් ලැබිමට නම් හොඳ තරගයක් කිරීමට සිදුවන බව කියැවෙනවා. ෂාරුක්, විජෙයි සහ පවන් තිදෙනාම ඉන්දියාවේ පමණක් නොව ලෝකයේ බොහෝ බොලිවුඩ් කොලිවුඩ් රසිකයින් අතර ජනප්‍රිය නිසා මේ චිත්‍රපට තුනම එකම ලෙසට ප්‍රේක්ෂක ආකර්ෂණය ලැබිය හැකි චිත්‍රපට බව ඇතැමුන් පවසනවා. එසේම එකම ලෙස ජනප්‍රිය විය හැකි මේ චිත්‍රපටවල ආදායම් වෙනස ඇති වන්නේ ඉන්දියාවට සමගාමීව මේ චිත්‍රපට තිරගත වීම අරඹන අනෙකුත් රටවල් නිසා බවට මත පළවී තිබෙනවා. කෙසේ වෙතත් තම තමන් දායක වන චිත්‍රපටවල ජනප්‍රියත්වය වැඩි කර ගන්නට ෂාරුක්ට විජෙයිට සේම පවන්ටත් වැඩිපුර වෙහෙසෙන්නට සිදුවන බවත් අමුතුවෙන් කිව යුතු නැහැ.

0 comments:

Post a Comment